Почна судењето на Дани Алвеш (40), поранешниот бразилски фудбалер кој е обвинет за силување. Според многумина, најдобриот десен бек во историјата на фудбалот, кој во кариерата освои 43 трофеи, беше обвинет дека силувал 23-годишна жена на 30 декември 2022 година во ВИП делот на ноќен клуб во Барселона.
Обвинителството против Дани Алвеш има голем број форензички и видео докази и изјави на сведоци. Тие тврдат дека на споменатиот датум Алвеш ја поканил жртвата и нејзините пријатели, ги почастил со пијачки, а потоа ја однел девојката во тоалетот, единствениот дел од ноќниот клуб кој не бил покриен со камери.
Наводно и побарал орален секс, што таа го одбила, па тој ја силувал, а потоа го напуштил клубот. Девојката веднаш го пријавила настанот во полиција. Лекар ја прегледал, а полицијата почнала со истрага.
⚖️ Judici a Dani Alves.
— RTVE Notícies (@rtvenoticies) February 5, 2024
L'advocada de l'exfutbolista sol·licita la nul·litat del procediment i la suspensió del judici | @RTVECatalunya @Palacios_Isabel
➕ Info: https://t.co/f9rd18dPKT pic.twitter.com/PBMNjZuNiL
Дани Алвеш се соочува со 12 години затвор, а откако првпат беше испрашуван во јануари 2023 година, неколку пати го менуваше своето сведочење. Прво рекол дека никогаш не ја запознал жртвата, а потоа изјавил дека бил со неа во тоалетот, но ништо не се случило.
Во третата приказна признал дека имале орален секс, а во четвртата дека имало и консензуален секс, но тоа не сакал веднаш да го каже за да не дознае неговата сопруга. Сега, откако смени тројца адвокати, вели дека бил премногу пијан за да знае што прави.
Судењето, во кое наводната жртва ќе сведочи скриена зад завеса и гласот ќе и биде променет, започна денеска и се очекува да трае три дена.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski