Аргентинскиот генијалец Лионел Меси од денеска повторно е на располагање на тренерот Кристоф Галтие во Пари Сен Жермен. Тој го заокружи продолжениот одмор по Светското првенство и освоената титула во Катар и се врати во Париз.
Утрово се појави и на тренинг со соиграчите. ПСЖ забележа пораз од Ленс на последниот натпревар и сега има само четири бода предност пред ривалот на врвот на табелата во францускиот шампионат.
