По прославата во Буенос Аирес: Мртви, повредени, едно дете во кома (ВИДЕО)

Репрезентацијата на Аргентина во вторникот рано наутро се врати во Буенос Аирес, откако ја совлада Франција во неделното финале на Светското првенство. Лионел Меси и неговите соиграчи среде ноќ беа пречекани од стотици илјади навивачи на улиците, а огромната прослава, која од неделата трае во Аргентина, продолжи во текот на вчерашниот ден кога неколку милиони Аргентинци излегоа на улиците.

Играчите тргнаа со автобус низ градот кон претседателската палата, а на улиците на главниот град според некои проценки излегоа 5,5 милиони луѓе. Фановите ги заглавија сите главни патишта во градот, а фотографиите го обиколија светот.

More than a million fans stormed the streets of Buenos Aires after Argentina won the World Cup 🥳 pic.twitter.com/2dt1Ko3WC2

— ESPN UK (@ESPNUK) December 20, 2022

Навивачите се качуваа на канделабри, семафори и покриви на автобуски станици каде славеа, скокаа и пееја. За жал, за време на таа прослава, 24-годишник паднал низ стаклен покрив и набргу починал, а друг навивач починал откако знамето што го имал околу вратот му се заплеткало во тркалото на моторот и го задушило.

Петгодишно момче е во кома откако на главата му паднаа остатоци од споменикот на кој навивачите се качуваа, илјадници навивачи беа полесно или тешко повредени, а хулигани киднапираа полициски возила и со нив се движеа низ градот.