Пелистер успеа да избори пласман во следното коло од Купот на Македонија, откако на гостувањето кај второлигашот Тетекс славеше со 1-2.
Тимот од Тетово прв се радуваше – во 35. минута Даниел Николовски го совлада голманот на гостите и донесе предност. Сепак, во вториот дел битолчани ја презедоа иницијативата и резултатот брзо беше променет. Христијан Стојановски во 52. минута погоди за 1-1, што им даде дополнителна сигурност на гостите.
Клучниот момент се случи во 85. минута, кога Стефан Спировски стрелаше прецизно и донесе целосен пресврт и конечна радост за Пелистер.
Во другиот натпревар, фудбалерите на Новаци беа подобри од Пчиња и славеа со убедливи 0-3. Стефан Каревски се истакна со два гола, а еднаш мрежата ја затресе и Антонио Марцевски.
