Тиквеш по долго, долго време повторно е во Првата лига. Се покажа правилна стратегијата на Пане Блажевски да се обиде преку бараж да го одведе тимот до елитата. Тиквеш со голот на Едиз Спахиу во 54.минута го победи Силекс со 1-0 во баражот за пополнување на првлигашкото друштво.
„Заслужена победа на Тиквеш. Момците силно ја посакуваа победата и одиграа квалитетен меч. И пред мечот знаев дека желбата и карактерот можат да биде одлучувачки фактор, а дека Силекс ќе ја чувствува тежината и ќе биде под поголем притисок. Одигравме тактично одлично и успеавме да ја исполниме целта. Им честитам на фудбалерите, ова е нивен успех, а триумфот е посветен на „Лозарите“ и на цело Кавадарци. Градот заслужи да има фудбалски прволигаш“, изјави Пане Блажевски.
