Ренова со многу мака, но и со многу среќа, успеа да го спаси прволигашкиот статус. По изведување пенали славеше со 3-2, откако во регуларниот тек стигна до 2-2 дури во 89.минута од мечот. Шефит Шефити беше херојот со два постигнати гола, а потоа се приклучи Хадис Велии кој одбрани два пенали.
Шефот на стручниот штаб на Ренова, Ќатип Османи, е реален, признава дека неговиот тим имаше и среќа, а упати пофални зборови и за ривалот Охрид.
„Беше тежок натпревар, знаевме дека Охрид има млад и одличен тим. Не успевавме да ја разбиеме нивната одбрана, имавме и среќа што успеавме да израмниме на крајот. Победивме на пенали, сакам да им честитам на фудбалерите на двете екипи. Ние ја исполнивме целта која беше зацртана за оваа пролет“, изјави Ќатип Османи.
