Пјер-Емерик Обамејанг изненадувачки дојде на „Камп Ноу“ оваа зима и веднаш се покажа како огромно офанзивно оружје за Чави Хернандез. Заедно со Феран Торес и со Адама Траоре, направија комплетно поинаков изглед на нападот на каталонскиот тим.
Тој се радува што вечерва на „Сантијаго Бернабеу“ за првпат ќе игра на Ел Класико.
„Тоа е најголемото дерби во светот. Сите со недели и месеци зборуваат за мегапресметките меѓу Реал Мадрид и Барселона. Верувам дека ќе уживам, а отсекогаш сум бил максимално мотивиран да играм против „кралскиот клуб“. Имаме сили за победа, во средниот ред е неверојатниот Педри, имаме и одличен напад, веруваме дека можеме до триумф“, порача Обамејанг.
Големиот дуел меѓу Реал Мадрид и Барселона, популарното Ел Класико, се игра вечерва (21 часот), на стадионот „Сантијаго Бернабеу“ во Мадрид. „Кралевите“ се лидери на табелата и во моментот имаат дури 15 бода предност пред Барселона.
