Нуно Еспирито Санто го напушта Вулверхемптон

Португалскиот стратег Нуно Еспирито Санто ја завршува одисејата во Вулверхемптон. Клубот од Премиер – лигата објави дека соработката нема да продолжи по четири години поминати заедно иако всушност актуелниот договор има важност до 2023 година.

Нуно Еспирито Санто изгради респектабилен состав кој оваа сезона сепак резултатски потфрли. Неговиот последен меч на кормилото ќе биде в недела на домашен терен против Манчестер Јунајтед.

Португалецот се споменува како можен нов менаџер на Тотенхем.