Њукасл успеа да го победи европскиот и англиски шампион Манчестер Сити со 1-0 и го елиминира од Лига купот на Англија. Стрелец на победничкиот гол за „чавките“ беше Александер Исак во 53.минута, на асистенција на Жоелинтон.
Ливерпул со пресврт во вториот дел го победи Лестер со 3-1. Мекатир во третата минута погоди за Лестер, но во вториот дел Гакпо, Шобошлаи и Диого Жота донесоа триумф за Ливерпул.
Челси го победи Брајтон со 1-0, со голот на Николас Џексон, а Реис Нелсон му донесе триумф од 0-1 на Арсенал на гости кај Брентфорд.
