Нови проблеми за Анчелоти: Герет Бејл мора да паузира поради повреда

Велшкиот интернационалец Герет Бејл ја повреди тетивата на десната нога и неизвесно е кога ќе се врати на теренот, пренесуваат шпанските медиуми.

Ова е непријатна информација за тренерот Карло Анчелоти само еден ден по убедливата победа на Реал Мадрид против Селта.

Бејл имаше солидна минутажа кај Карло Анчелоти од почетокот на сезоната, а за време на паузата во шампионатот, тој се истакна во репрезентацијата на Велс каде што постигна хет-трик против Белорусија во квалификациите за СП.