Реал Мадрид подготвува нов договор за напаѓачот Винисиус Жуниор. Клубот има намера да ги подобри договорните услови на бразилскиот фудбалер, бидејќи тој е важен дел од тимот.
Актуелниот договор на 21-годишниот напаѓач со Реал Мадрид е до летото 2024. Тој е во тимот од 2018 година, но досега заработуваше 3 милиони евра годишно. Според новата понуда од „кралевите“, Винисиус Жуниор ќе заработува 9 милиони евра по сезона.
Во сезоната 2021/22, Винисиус запиша 50 натпревари во сите натпреварувања за мадридскиот клуб, постигнувајќи 21 гол и 20 асистенции.
