Манчестер Јунајтед заврши нова одлична бизнис зделка откако донесе нов спонзор со потпишување на повеќегодишен договор со „Тезос“. Тезос е „блокчејн“ компанија, една од најпознатите во светот во моментов, а доказ за тоа е соработката со Манчестер Јунајтед. Договорот е вреден 20 милиони фунти.
Нивното име ќе се најде на тренинзите на машкиот и женскиот тим на Манчестер Јунајтед, а играчите се обврзани да ги носат тие сетови пред почетокот на секој натпревар.
Ова е нова голема соработка и најава дека светот на криптовалутите наголемо се врзува со врвниот европски фудбал.
