Неверојатни сцени се случија по финалето во Суперкупот на Саудиска Арабија меѓу Ал-Итихад и Ал-Хилал (1-4) кога навивач нападна фудбалер во обид да го камшикува.
Мечот беше завршен, фудбалерот Абдеразак Хамдала со сребрениот медал на градите се наоѓаше пред трибината кога еден полуден навивач реши со камшик да го удира.
Тој замавна неколку пати, најмалку еднаш и го погоди фудбалерот на Ал-Итихад, пред дел од останатите играчи да реагираат и да биде спречен уште поголем инцидент.
