Илија Несторовски се надева дека тоа што не го искористивме против Полска, ќе успееме да го добиеме против Австријците. Добрата игра против Полјаците нека донесе малку повеќе среќа за нас на следниот дуел против Австрија, утревечер на „Тодор Проески арена“.
„Имавме шанси против Полска, дури и поизгледни од нив, но не погодивме. Тие од ’ништо’ постигнаа гол. Ќе дадеме се од себе за да ја затресеме мрежата на Австрија“, изјави Илија Несторовски на прес – конференцијата во пресрет на утрешниот квалификациски меч.
