Нема време за славење: Одиме по триумф во Казахстан (ФОТО)

Македонската фудбалска репрезентација покажа карактер и квалитет во синоќешниот натпревар против големата Белгија (1-1), резултат кој влева дополнителен мундијалски оптимизам. Но, нема време за славење – следниот предизвик веќе тропа на вратата.

Нашите репрезентативци денеска попладне заминуваат за Астана, каде во понеделник ги очекува важниот дуел против Казахстан, како дел од четвртото коло од квалификациите за СП 2026.

Целта е јасна: нови три бода и продолжување на позитивниот тренд кој го враќа сјајот и вербата во националниот тим. Сите мисли се насочени кон победа и уште една силна партија!