Тренерот на Атлетико Мадрид, Диего Симеоне, го пофали напаѓачот Хулиан Алварез, кој реализира хет-трик во победата на тимот од 3-2 над Рајо Валјекано во натпревар од шестото коло на Ла Лига.
„Хулијан е најдобриот играч што го имаме. Мораме да се грижиме за него, да го задржиме тука, во Атлетико, многу години. Тој треба да ни помага, но и ние мора да му помагаме за да стане уште подобар отколку што е во моментов. Секогаш кога прави разлика на теренот, ни помага многу“, изјави Симеоне.
„Во Мајорка одигравме добар натпревар, можевме да победиме, а сега ја повторивме истата ситуација. Во првото полувреме можевме да водиме со поголема предност, но тие ни дадоа одличен гол кој влијаеше на нашето самодоверба. Потоа направивме некои корекции и во второто полувреме прикажавме многу добра игра. Тимот се покажа одлично, покажа смиреност и увереност. Имавме и шанси кои не ги реализиравме“, истакна тренерот на Атлетико Мадрид по тешката победа.
