Бразилскиот ас Нејмар ќе го пропушти остатокот од сезоната. Тој мора да биде опериран за да ја санира повредата на лигаментите на десниот скочен зглоб.
Пари Сен Жермен објави дека неговото закрепнување ќе трае меѓу три и четири месеци. „Ќе се вратам посилен“, напиша 31-годишниот Бразилец на својот официјален профил на социјалната мрежа Инстаграм.
Нејмар се повреди во победата на Пари Сен Жермен над Лил (4-3) на крајот од минатиот месец.
