Роберт Левандовски ќе ја напушти Барселона по завршувањето на оваа сезона, пренесува каталонскиот весник „Спорт“. 37-годишниот полски напаѓач оваа сезона во Ла Лига има забележано седум настапи и постигнато четири голови, но сѐ почесто останува на клупата поради предноста која му се дава на Феран Торес.
Во клубот веќе се разгледуваат можни наследници, а најчесто се спомнува 21-годишниот Карл Ета Ејонг од Леванте.
Левандовски пристигна во Барселона во 2022 година, по успешните сезони во Борусија Дортмунд и Баерн Минхен, каде во 2020 година освои тројна круна под водство на сегашниот тренер на Барса, Ханси Флик.
