Наполи, кој изгуби секаква надеж за одбрана на титулата од минатата сезона, ќе остане без услугите на голманот Алекс Мерет најмалку еден месец, објавија италијанските медиуми.
Италијанскиот репрезентативец ја заработи повредата во петокот за време на ремито 0-0 на тимот на домашен терен против Монца во 18. коло од Серија А.
„Прегледите покажаа дека Мерет се мачи со повреда на мускулот на левата натколеница“, соопштија од клубот.
Наполи моментално се наоѓа на осмото место на табелата, со 17 бода помалку од лидерот Интер.
Клубот не го прецизираше периодот на отсуство на Мерет, но според италијанскиот печат тој ќе биде надвор од терените најмалку четири седмици, а би можел да отсуствува околу 45 дена.
