Наполи го совлада Торино на гости со 0-2 и се израмни бодовно со Јувентус и со Милан во трката за пласман во Лигата на шампионите. Македонскиот репрезентативец Елиф Елмас доби само пет минути на овој меч откако во финишот го замени капитенот Лоренцо Инсиње на теренот.
„Наполитанците“ ги разрешија дилемите на самиот почеток од мечот. Тиму Бакајоко во 11.минута и Виктор Осимен две минути подоцна донесоа предност од 0-2 која тимот на Џенаро Гатузо ја сочува до самиот крај. Во 86.минута, Торино остана со фудбалер помалку поради исклучувањето на Роландо Мандрагора во 86.минута.
