Нант одигра одличен натпревар и му го нанесе вториот пораз (3-1) во шампионатот на лидерот Пари Сен Жермен. Тимот на Маурисио Покетино дојде по триумфот на Реал во Лигата на шампионите и не можеше да се престрои во домашното првенство.
Нант почна фуриозно и поведе со 2-0 со головите на Коло Муани во четвртата минута и на Мерлин во 16.минута.
Во последните мигови од првото полувреме Вајналдум играше со рака во шеснаесетникот, ВАР собата реагираше, а Лудовик Блас донесе неверојатни 3-0.
На самиот почеток на второто полувреме Нејмар постигна гол, но во 59.минута не реализира пенал и веројатно тоа беше пропуштената можност ПСЖ да се врати резултатски на овој натпревар.
