Португалскиот ас Кристијано Роналдо би можел неславно да го заврши престојот во Саудиска Арабија и да биде депортиран од државата. Ова откако на јавна сцена се фати за гениталиите на натпреварот против Ал-Хилал, кога излегуваше од теренот, а домашните навивачи извикуваа „Меси, Меси…“
Фановите се навредени од неговото однесување и поднеле петиција за кривична пријава за непристојност на јавно место, за кое на странските државјани е предвидена казна „апсење и депортација од државата“.
„Навивачите можеби го испровоцирале Роналдо, но тој не смеел да реагира на таков начин. Со неговото однесување го прекршил законот и и затоа ќе биде поднесена пријава до обвинителството“, објави адвокатката Нуф Бинт Ахмед.
