Тренерот на Фенербахче, Жозе Мурињо, на свој препознатлив начин го коментираше поразот од 1-3 против Ренџерс во првиот натпревар од осминафиналето на Лига Европа. Тој го оцени резултатот како добар, бидејќи неговиот тим одиграл толку слабо што можело да биде уште полошо.
„Не е фер да кажеме дека бевме лоши во одбраната, бидејќи вистината е дека бевме лоши во секој аспект. Може да ми се смеете, но за мене ова е добар резултат, затоа што со оглед на нашата игра, работите можеа да бидат многу полоши. Не мислам дека ова е етички. Нашиот настап беше слаб во секој поглед. Ги губевме дуелите, нашите додавања не беа доволно брзи“, изјави Мурињо.
Сепак, „Специјалниот“ не е подготвен да се откаже.
„Не сакам да зборувам за Фред (забелешка – тој беше суспендиран за овој натпревар), но тој беше во фантастична форма и со него замислувавме многу посилен тим. Во одбраната направивме некои ужасни грешки. Ренџерс се бранеше со низок блок и беше опасен на контранапади, а ние немавме одговор на тоа. Го заслуживме овој резултат. Но, ако ме прашувате дали е готово по овој пораз, мојот одговор е не, не мислам дека е готово“, додаде Португалецот.
