Реал Мадрид доби добри вести откако стана јасно дека повредата на играчот од средниот ред Едуардо Камавинга не е сериозна. Францускиот репрезентативец беше принуден да биде заменет на пријателскиот меч против Чиле (3-2).
Камавинга лошо падна и не можеше да го продолжи натпреварот, а во 44. минута беше заменет со Матео Гендузи.
Лекарските тестови покажаа дека играчот од средниот ред нема истегнување и нема да има проблем да игра викендов за „кралевите“.
На 31 март, Реал Мадрид го пречекува Атлетик Билбао во натпревар од Ла Лига.
