Италијанскиот калчолигаш Монца го отпушти тренерот Алесандро Неста поради слаби резултати во Серија А оваа сезона. Под негово водство, тимот оствари само една победа и се наоѓа на последното место на табелата со 10 бода.
Неста, поранешен италијански репрезентативец и дефанзивец на Лацио и Милан, ја презеде Монца на крајот од минатата сезона, заменувајќи го Рафаеле Паладино, кој замина во Фиорентина. Ова беше негово прво тренерско искуство во Серија А.
Последниот пораз на Монца од Јувентус со 1-2 беше трет последовен и деветти пораз од вкупно 17 натпревари. Единствената победа беше против Верона во октомври. Според италијанскиот весник „Газета дело спорт“, фаворит за нов тренер на Монца е Салваторе Бокети, кој во периодот од октомври до декември 2022 година го водеше тимот на Верона.
Бокети, поранешен дефанзивец со искуство во клубови како Џенова, Рубин Казан и Милан, ја започна својата тренерска кариера во младинските категории на Верона, пред да биде назначен за тренер на првиот тим во октомври 2022 година.
