Монако го совлада Пари Сен Жермен со 3-2 во дербито на колото во францускиот шампионат откако направи фантастичен пресврт во второто полувреме. „Светците“ имаа предност од 0-2 на полувремето со двата гола на Килијан Мбапе. Но, пресвртот се случи откако двете екипи се вратија од соблекувалните.
Кевин Фоланд постигна два гола за Монако во 52. и во 66.минута и го израмни резултатот. Во финишот му одзема топка на Дијало и изнуди пенал од дефанзивецот на ПСЖ кој за стартот доби и црвен картон. Цеск Фабрегас во 84.минута реализираше пенал за супер-пресврт на Монако на ова дерби.
Монако по овој триумф се наоѓа на втората позиција на табелата со 20 бода, четири помалку од лидерот ПСЖ.
