Ливерпул и Тотенхем приредија вистинско фудбалско шоу во последниот натпревар од 17. коло на Премиер – лигата, во кој „црвените“ славеа со 6-3 во Лондон. Натпреварот беше обележан од маестралната игра на Мохамед Салах, кој постигна два гола и асистираше за уште два, поставувајќи нов рекорд во историјата на лигата.
Салах стана првиот играч во историјата на Премиер – лигата кој стигнал до двоцифрен број голови и асистенции пред Божиќ.
Египетската ѕвезда на Ливерпул досега има постигнато 15 гола и 11 асистенции. Со ова, Салах се искачи на врвот на листата на стрелците, со два гола повеќе од Ерлинг Халанд.
