Хрватскиот интернационалец Лука Модриќ ја одбил понудата на саудискиот клуб Ал-Наср. Неговиот одговор е дека сака да игра единствено за Реал Мадрид и на „Бернабеу“ да ја заврши кариерата.
Новиот клуб на Кристијано Роналдо сакаше да го ангажира неговиот поранешен соиграч од Реал Мадрид, но Модриќ не се залета по понудата за годишна плата од 40 милиони евра.
Модриќ во тековната сезона во Ла Лига на 16 натпревари постигна три гола и забележа две асистенции.
Ал-Наср се обидува во Саудиска Арабија да донесе уште неколку ѕвезди на светскиот фудбал, меѓу нив и Серхио Рамос и Марсело.
