Младинците на Работнички претрпеа вистинска катастрофа во младинската Лига на шампиони. По тешкиот пораз од 0-5 во Даблин, „романтичарите“ на домашен терен доживеаја уште потежок дебакл, губејќи од ирскиот Шелбурн со убедливи 1-7.
Непријатната вечер за македонскиот шампион започна уште во петтата минута, кога Сами донесе водство за гостите. Истиот играч во 39. минута зголеми на 0-2, но Работнички успеа да врати надеж преку Бошнаков, кој погоди во самиот финиш на првиот дел за 1-2.
Сепак, тоа беше сè од домаќините. Второто полувреме донесе целосна доминација на Ирците. Бејли во 49. минута направи 1-3, а веднаш потоа Вуна зголеми на 1-4. Во 60. минута Мекарти ја продолжи голеадата, по што следеше втор гол на Бејли во 79. минута за 1-6. Конечните 1-7 ги постави Сами, кој со својот трет гол стигна до хет-трик и ја потврди убедливата победа на Шелбурн.
