Мирсад Јонуз ќе се обиде да го спаси ФК Скопје од испаѓање

Поранешниот македонски селектор Мирсад Јонуз е нов тренер на прволигашот Скопје. Тој доаѓа на местото на Славчо Георгиевски, кој работеше во тандем со Дејан Цветковски. Тие заминаа од кормилото по убедливиот пораз (4-0) од Работнички изминатиот викенд.

Јонуз ќе има мисија да го спаси ФК Скопје од испаѓање. Во моментот тимот од Автокоманда е на последната позиција со 13 бода, колку што има и Победа, со која ќе води жестока битка за да го избегне најлошото.

Последен клуб на Јонуз беше Лусаил.