Бојан Миовски игра во одлична форма во унгарското првенство, а се надева дека ќе може да помогне и за успесите на националниот тим на Македонија на последните два натпревари против Ерменија и протиув Исланд во квалификациите за Светското првенство во Катар во 2022 година.
„Ни следат две важни средби во овие квалификации. Имаме теоретски шанси да бидеме втори, не зависи се од нас, но ние ќе дадеме се од себе да дојдеме до шест бода. Романија има најголеми шанси за бараж, потоа сме ние и Ерменија. Имаме квалитетни играчи и мислам дека ќе го покажат квалитетот. Ќе ги анализираме Ерменците, ќе се обидеме да ги надиграме и да дојдеме до победа. Офанзивата ни беше проблем, но во иднина ќе гледаме да се подобриме, да бидеме поубедливи во нападот“, изјави Миовски.
Македонија ќе и гостува на Ерменија в четврток, со почеток во 18 часот.
