Напаѓачот на Манчестер Јунајтед, Џејдон Санчо, во наредните денови би можел да стане играч на Борусија Дортмунд. Се очекува германскиот клуб да им плати на „црвените ѓаволи“ 3 милиони евра за да го ангажира играчот до крајот на сезоната, објави „Билд“.
Претходно беше објавено дека преговорите меѓу клубовите се во напредна фаза.
Јунајтед ќе исплаќа дел од платата на Санчо. Џејдон беше отстранет од тимот на „црвените ѓаволи“ откако се скара со менаџерот Ерик тен Хаг на крајот на август.
Претходно во кариерата, 22-годишниот Англичанец веќе играше за Борусија Дортмунд, од каде во 2021 година се пресели во Манчестер Јунајтед. Фудбалерот оваа сезона забележа само три настапи во Премиер – лигата.
