Томас Милер, фудбалерот на Баерн Минхен, верува дека Ливерпул ќе ја освои Лигата на шампионите во утрешното финале против Реал Мадрид на „Сент Дени“ во Париз.
„Имам впечаток дека Ливерпул е подобар, но после тоа што го направи Реал оваа сезона во Лигата на шампионите, никој не може да ги отпише. Предвидувам дека во регуларниот дел ќе биде 2-2 и дека Ливерпул ќе победи на пенали“, изјави Милер.
Ливерпул има два огромни мотиви пред утрешната пресметка. Првиот е да му се реваншира на „кралскиот клуб“ за поразот од Киев во 2018 година, а вториот да го врати „заработениот трофеј“ што го чека трета година.
