Напаѓачот на Реал Мадрид, Винисиус Жуниор, размислува за можноста да го напушти клубот во летниот преоден рок. Според весникот „АС“, Бразилецот смета дека тренерот Чаби Алонсо нема доверба во него, а покрај тоа е и незадоволен од минутите што ги добива на теренот.
Напнатоста ескалираше за време на победата на Реал над Барселона со 2-1 во неделата. Винисиус беше заменет во 72. минута, што предизвика негова бурна реакција. Тој го напушти теренот и веднаш замина кон соблекувалната, без да го поздрави Алонсо, иако подоцна се врати на клупата за резерви. При излегувањето од игра, Бразилецот бил слушнат како повторува: „Ќе си одам, подобро е да си одам.“
Според „АС“, Винисиус е убеден дека неговиот статус во тимот не се почитува доволно и сериозно размислува за заминување од Мадрид. Тој верува дека Чаби Алонсо има негативен став кон него, поради што не добива признание за трудот што го вложува во дефанзивата.
Главната причина за неговото незадоволство е фактот што оваа сезона често е заменуван или оставан на клупата. Винисиус не ја исклучува можноста за трансфер следното лето, доколку Чаби Алонсо остане на клупата и не му укаже целосна поддршка, каква што, на пример, има Килијан Мбапе.
Бразилецот не сака да го напушти Реал, но не може да се помири со сегашната ситуација.
Раководството на Реал Мадрид целосно ги поддржува одлуките на Чаби Алонсо, вклучувајќи ја и замената на Винисиус во „Ел Класико“.
