Милан е во преговори со Лукас Васкез, кој во јуни ќе си замине од Реал Мадрид како слободен агент. “Скај Спорт Италија” објави дека има директни преговори меѓу клубот и играчот на „кралскиот клуб“. Иако тој би сакал да се приклучи на „росонерите“, се верува дека десниот страничен фудбалер бара 7 милиони евра по сезона, колку што, всушност, во Милан заработува Златан Ибрахимовиќ.
Васкез исто така се поврзува и со Баерн Минхен, но и ставање потпис на нов договор со Реал Мадрид е сè уште во игра.
По операцијата на лигаментите, сезоната за Лукас Васкез е завршена. Пред повредата, тој одигра 34 натпревари оваа сезона во сите натпреварувања, а има ефект од два погодоци и осум асистенции.
