Поранешниот дефанзивец на Манчестер Сити, Мика Ричардс, откри интересен факт за најчудната повреда што ја добил во текот на кариерата. Тој се повредил при егзибиции во сексот.
Екс репрезентативецот на Англија беше гостин на подкастот „Останатото од фудбалот“ чии домаќини беа легендите Гери Линекер и Алан Ширер.
„Имам еден случај, но тој е прилично сексуален, не е баш за овој подкаст“, започна Ричардс, пред да биде охрабрен да ја раскаже приказната.
„Не можам да навлегувам во детали, но да, се забавував. Станав од кревет, ја испружив ногата и ја истегнав тетивата. На следниот тренинг физиотерапевтот ме праша што сум направил, а јас едноставно реков…имам мала болка во грбот, тоа го почувствував на натпреварот, но навистина не сакав да ја откријам причината“, истакна Мика Ричардс, кој ја заврши кариерата во 2019 година.
