Каталонскиот гигант Барселона работи на многу полиња по доаѓањето на Хоан Лапорта. Беше меѓу „одметниците“ за формирање на Суперлига, но кога е клупската политика во прашање, сигурно дека на прво место е задржување на Лионел Меси на „Камп Ноу“.
Наводно, Аргентинецот е подготвен да остане во Барселона уште две сезони, но бара цврсти гаранции дека тимот ќе биде конкурентен да се бори за трофејот во Лигата на шампионите.
Лапорта го уверил Меси во тоа, а допрва треба да почнат преговорите со таткото на Меси како негов агент. Една од желбите на Меси за ново засилување во нападот ќе биде реализирана со ангажманот на неговиот најдобар пријател Серхио Агуеро.
