Килијан Мбапе беше првата ѕвезда на „Паркот на принцовите“ синоќа на дуелот меѓу ПСЖ и Реал Мадрид. Парижаните го добија натпреварот со 1-0, а Мбапе го постигна победничкиот гол во судиското продолжение кога сите го очекуваа крајот на натпреварот.
По средбата се појавија снимки од тунелот на „Паркот на принцовите“ со Мбапе и Карим Бензема во главните улоги.
Во краткиот разговор се слуша како Мбапе го прашува Бензема како се чувствува, на што напаѓачот на Реал Мадрид одговори дека е полесно повреден. После тоа Мбапе почна да се смее и Бензема го нарече лажго, а фудбалерот на „кралевите“ го нарече лудак.
Потоа следеше детал кој привлече големо внимание бидејќи Мбапе може да се слушне како вели „сè е готово“. Многумина тоа го протолкуваа како трансферот на Мбапе во Реал Мадрид да е завршена работа што ќе се реализира на крајот од сезоната.
Сепак, по мечот Килија Мбапе беше максимално професионален во изјавите пред медиумите.
