Челси успеа да го елиминира Реал Мадрид откако го совлада со 2-0 на „Стемфорд бриџ“ и се пласира во големото финале во Лигата на шампионите. На 29 мај за противник во Истанбул ќе го има Манчестер Сити.
Мејсон Маунт, стрелецот на вториот гол за Челси на синоќешниот меч, е пресреќен поради пласманот во финалето на ЛШ и се надева дека во Истанбул тој и соиграчите ќе го совладаат и Сити.
„Ова е фантастично. Пресреќен сум и поради голот, но пред се поради тимот. Одиме во Истанбул во финале. Тоа е единствен меч, нема реплика и ќе дадеме се од себе за да го замолчиме и Манчестер Сити. Но, сега треба да се радуваме затоа што го елиминиравме најтрофејниот европски клуб. Малку екипи можат да се пофалат со такво нешто“, изјави Мејсон Маунт.
