Францускиот фудбалер Eлијаким Мангала (30) е блиску до пристигнување во италијанската Серија А, пренесуваат медиумите на Апенините.
Мангала некогаш беше најскапиот играч на Манчестер Сити, кој дојде во 2014 година како големо засилување од Порто во трансфер вреден 45 милиони евра. Во тоа време, тој беше еден од најбараните стопери во Европа, а денес е слободен играч, откако му истече договорот со Валенсија, каде ги мина изминатите две сезони.
Мангала сега се поврзува со доаѓање во Серија А. Најзаинтересирана за неговите услуги е Фиорентина.
