Фудбалерот од средниот ред на Манчестер Сити, Бернардо Силва, би можел да го напушти тимот на „граѓаните“ во летниот преоден рок. Раководството на англискиот клуб е согласно да го продаде играчот за сума од 65 милиони евра.
За услугите на Бернардо Силва е заинтересирана Барселона. Во зимскиот преоден рок каталонскиот тим веќе му се обрати на Сити за негово купување и понуди 70 милиони евра, но Британците ја одбија понудата.
Барселона се уште е заинтересирана за Португалецот и би можела повторно да се обиде да го ангажира играчот од средниот ред на лето. Актуелниот договор на Силва има важност до летото 2025 година.
28-годишниот играч од средниот ред одигра 37 натпревари за Манчестер Сити оваа сезона, постигна четири гола и забележа пет асистенции.
