Манчестер Сити ќе биде без Рубен Дијаш во еден од најважните периоди во сезоната. Според информациите од Англија, 25-годишниот централен дефанзивец се здобил со повреда на бутниот мускул за време на натпреварите на Португалија на Светското првенство во Катар.
Дијаш ја заработи повредата на осминафиналето со Швајцарија, но сепак неколку дена подоцна одигра цел натпревар против Мароко. Ова го зголеми проблемот и сега Дијаш, кој беше избран за играч на сезоната во Премиер – лигата за 2021 година, ќе паузира до февруари.
Ова значи дека Пеп Гвардиола нема да може да го искористи својот најдобар централен бек на клучните натпревари против Манчестер Јунајтед и Челси. Сепак, Шпанецот ги има на располагање Ејмерик Лапорт, Џон Стоунс, Нејтан Аке и Мануел Аканџи.
