Англискиот премиерлигаш Манчестер Јунајтед сака да го доведе Пау Торес, дефанзивецот на Вилјареал, на „Олд Трафорд“ во летниот преоден рок. Менаџерот Оле Гунар Солскјер го означил овој трансфер како врвен приоритет кај раководството на клубот.
Во договорот на 24-годишниот фудбалер има откупна клаузула од 50 милиони евра, а Манчестер Јуанјтед е согласен да ја плати. Но, Пау Торес е планирано засилување и за Реал Мадрид, пишува „АС“. Тој се споменува како опција да го наследи Серхио Рамос во редовите на „кралскиот клуб“.
