Манчестер Јунајтед во оваа фаза не планира да го отпушти менаџерот Ерик тен Хаг, но некои луѓе од управата на клубот почнуваат да се сомневаат во способноста на холандскиот стратег да го изведе тимот од кризата, пишуваат медиумите на Островот.
Според изворот, раководните фактори во клубот од Манчестер сметаат дека Тен Хаг не се прилагодил целосно на барањата на Премиер – лигата. Други веруваат дека Тен Хаг е добар менаџер, но погрешен човек за ситуацијата во која се наоѓа Манчестер Јунајтед.
По 10 кола во англиската Премиер – лига, Манчестер Јунајтед е на осмото место на табелата. Во Лига купот „црвените ѓаволи“ загубија од Њукасл и го завршија своето учество.
