Манчестер Јунајтед е подготвен да слушне понуди за некои од своите најплатени играчи, бидејќи менаџерот Ерик Тен Хаг сака да го обнови тимот. Меѓу овие играчи се Кашемиро, Рафаел Варан и Џејдон Санчо, иако клубот ќе биде подготвен да се раздели и со други играчи.
Настаните од минатата недела, кога се покажа дека менаџерот ја изгубил довербата во соблекувалната, само ја засилија неговата решеност да ја поправи ситуацијата. На „Олд Трафорд“ се верува дека Тен Хаг сѐ уште се справува со остатоците од неговите претходници и дека потребата за „чистка“ е долгорочен проблем.
Ова природно не значи дека сите играчи со кои клубот е подготвен да се раздели имаат проблеми со менаџерот. Меѓу нив е Кашемиро, кој минатата сезона важеше за вистински трансфер погодок, но претставува поинаков тип на играч од средниот ред од тоа што го посакува Холанѓанецот.
Хари Мегваер и Скот Мектоминај исто така се сметаа за вишок во текот на летото, но и двајцата успеаја да ја оживеат својата кариера, што е добра вест за Тен Хаг.
