Брера е хит на стартот од сезоната. По првите три кола има максимални девет бода и според прикажаните игри, апсолутно ги заслужи.
Струмичкиот тим во ова коло успеа да го победи актуелниот шампион Струга ТЛ на гости со 1-2 и покажа дека има квалитет и за највисоки дострели.
Најзаслужен за тоа секако е тренерот Џовани Валенти. Тој е првиот италијански стратег кој дојде да работи во Првата македонска лига и веднаш покажа дека неговото CV во кое се наоѓаат клубови како Парма и Јувентус воопшто не е случајно, иако досега работел само во младинските категории.
Брера е негов прв сениорски проект и засега е навистина успешен.
Џовани Валенти избран за МАКФУДБАЛ ТРЕНЕР на третото коло во Првата фудбалска лига. Тој го предводи МАКФУДБАЛ ТИМОТ НА КОЛОТО.
Тимови
