МАКФУДБАЛ ИГРАЧ НА СЕЗОНАТА: Сандеј Адетунџи (Шкупи)

Засилување за титула. Сандеј Адетунџи е првиот странец кој успеа да ја освои престижната титула за најдобар голгетер во Првата фудбалска лига. Погодуваше кога беше најпотребно, носеше победи, а Шкупи освојуваше бодови со кои на крајот ја оствари целта – освојување на шампионскиот пехар.

Брз и незадржлив за противниците, снаодлив во шеснаесетникот, мирен и фокусиран кога е најпотребно. Постигна 20 гола оваа сезона и даде огромен придонес за шампионската титула на Шкупи.

Сандеј Адетунџи е избран за МАКФУДБАЛ ИГРАЧ НА СЕЗОНАТА во Првата фудбалска лига на Македонија. Тој го предводи МАКФУДБАЛ ТИМОТ НА СЕЗОНАТА 2021/22.