Како фурија го урна Вардар, постигна хет – трик во првите педесетина минути, а голеадата ја најави со прекрасен гол од слободен удар. Царуваше на средината на теренот, ги разигруваше и соиграчите, а противникот делуваше грогирано. Без разлика на очајното издание на вардарци, Денис Ристов одигра маестрален меч.
Во изборот на МАКФУДБАЛ, тој е најдобриот играч на 26.коло во Првата фудбалска лига.
Силекс веќе в среда го очекува нов тежок предизвик, гостување кај Пелистер во Битола.
