Се раситнуваат деновите до дуелот со Белгија, а националниот тим конечно е комплетен. Денешниот тренинг го одработи и капитенот Енис Барди, кој по завршувањето на клупските обврски во Турција конечно му се стави на располагање на селекторот Благоја Милевски.
Во наредните четири дена, Македонија ќе може во комплетен состав да гради тактика за важниот дуел против Белгија, кој ќе се одигра в петок (20.45 часот) на Националната арена „Тодор Проески“ во Скопје.
Атмосферата е оптимистичка, македонските фудбалери сигурно ќе го дадат својот максимум, а очекуваат голема поддршка и од трибините против силниот противник.
Фото: ФФМ
