Фудбалскиот тренер Љупко Петровиќ (76), беше учесник во страшна сообраќајна несреќа на обиколница во Белград. Тој возел на автопат во спротивна насока, по што со својот автомобил „Мерцедес Б180“ имаше директен судир со Шевролет Авео, кој го возел Жељко Ковачевиќ (63).
За среќа, Петровиќ минал со полесни повреди, а и двајцата возачи немале алкохол во крвта.
Видеоматеријалот покажува дека Љупко Петровиќ свесно вози во спротивна насока, а претходно успеваат да го избегнат неколу камиони.
Љупко Петровиќ беше тренер на Црвена Звезда која во 1991 година во Бари ја освои европската титула, а во тимот играа Дарко Панчев и Илија Најдоски.
